今日有幾個病人話終於等到我放完假番黎。聽完你應高興，但係總有幾個係會笨笨77，話點解我要放假？話上個禮拜佢好病，搞到冇得睇我。
我話屋企有事，冇計啦。嗱，通常正常個D就打個突，跟住會問侯下+收皮。當然呀笨7’s好似聽唔到我講嘢，自己繼續話個出邊睇嗰啲D藥唔得等等…
喂，醫生都係人。就算屋企唔係有事我都會放假。痴線嘅唔係呢度睇架。
～～～
上一個post講嗰個投訴Case，今日又大搖大擺過嚟睇醫生。佢精神過你同我好唔好？ 其實你咁唔鐘意我哋嘅態度同服務，唔該過主啦。啲人係咪犯賤呢？不過原來佢係一個後生嘅男仔嚟㗎。通常我都以為呢啲係麻煩女人先至會做，我又諗多咗係咪？
～～
花生時間：
新嘅姑娘三喺過試用期之前就遞左辭職信啦。我哋又要請人哈哈哈！好彩佢遞左辭職信，如果唔係我琴日就鬧鬼左佢。我睇完個症，打出去護士站咁啱佢聽電話。我叫佢幫我問返個病人幾樣野。正正常常係唔係應該問完個病人之後打返俾我，同我講個答案啊？我喺度左等右等，見下一個病人都黎埋，都仲冇人覆我。我又要打返出去。原來呀靚姑娘自己問完個病人之後，就走去藥房做其他嘢。完全冇意識要答番我。咁我係間房入面數手指數埋腳指等你覆我做乜嘢呀？ 90後你快啲走啦。
花生時間2:
話說黎咗個新嘅清潔阿姐。佢真係駁嘴駁到你想兜巴星佢嗰隻。每一個清潔阿姐之前都有一個禮拜都會吸幾次塵（我哋要求係唔係好低？）呢個你左一個禮拜都仲未吸塵。姑娘兜個圈咁樣問佢：啊唔知呢個禮拜幾時吸塵呢？佢大大聲話：做唔到咁多野個喎！吸咗塵就拖唔到地。同埋吸塵機會整花個地板架！
可唔可以搵人拖佢出去狗頭鍘侍候？？？？？
～～～
解圖時間：
話說我舊時細個會成日食Twizzler，香港啲美國零食鋪頭其實有得賣。嗰日同舊姑娘三他
嘆免費茶餐廳下午茶，佢隊左呢包野俾我。我比60分啦，麻麻哋似哈哈！不過佢見過我喺診所食，行過記得買俾我，我就非常有心啊，乖！多謝～～
Search